片可以亂拍,字體唔可以亂用

事源喺2018年8月27日,有個台灣YouTuber喺5月收到嚟自威鋒數碼嘅email,話佢d YouTube影片用到華康font,並利用影片營利,就追佢版權費。之後佢檢查一下封email嘅真確性,發現威鋒數碼嘅前身係華康。

個email寫話,有用到華康字體嘅影片,只要影片仲喺YouTube出街,就要固定每年俾版權費。佢知道用到有版權嘅嘢要俾版權費,但係就估唔到連咁樣用font都要俾版權費。佢又問其他YouTuber有冇收過類似嘅email,佢哋都話冇。嗰個YouTuber當然就乖乖地交咗每年兩萬蚊新台幣 (大約港幣$5100),但係陸續就有好幾個YouTuber收到同樣嘅信,不凸止,仲會「翻舊帳」攞佢哋兩、三前拍過嘅影片嚟收版權費。此舉唔單只幾百萬訂閱嘅YouTuber受到影響,佢哋當然俾得起每年兩萬蚊新台幣;就連得幾萬訂閱嘅YouTuber都受牽連,佢哋邊俾得起呢幾萬蚊台幣呢?上文提過,只要影片仲喺YouTube出街,就要固定每年俾版權費。所以,佢哋唯一嘅選擇就係將d影片下架,一係就每年俾版權費,唔係就會面臨俾人告嘅風險。呢一點令唔少YouTuber仔都好頭痛。

好多人嘅影片其中一個通病,就係用咗「新細明體」同「標楷體」呢兩個font。乜唔係淨係「華康XX體」係華康嘅咩?原來Windows系統入面內置嘅呢兩個font都係華康㗎!呢兩個font内置喺Windows系統入面,係俾最終使用者 (end-user) 用,而唔可以用嚟營利。

更新:威鋒數碼近日作出澄清,指喺Microsoft Windows系統內置嘅「新細明體」同「標楷體」無論商用與否都唔收版權費。但係,將字型直接取出搭載(內嵌)於非微軟系統之第三方軟、硬體中的以下情況除外,例如於各式嵌入式裝置、電子遊戲、APP、電子書,以及安裝於提供ASP(應用服務提供者)等網路服務伺服器等,就要俾版權費喇。

另外,威鋒亦表示,凡使用華康字型(如華康少女文字、華康愛情體、華康新綜藝體等),呢d就係受版權保護,要俾版權費先用得,期望創作者使用合法正版之字型。

來源:華康字型

以下係高危影片截圖:

Creeper 插嘴文字用到華康font (來源:舞秋風 Minecraft 系列)

我唔排除 Windows 系統入面仲有其他字體都有版權,隨時用錯都唔知,墮入「版權陷阱」。新細明體同標楷體就係最容易令人墮入版權陷阱嘅font。

Joeman表示,去到現狀 (呢個post嘅出版時間),比較安全嘅font係「微軟正黑體」(就係我d影片用嘅font!唔敢預知將來仲用唔用得)

我有部份影片嘅縮圖都換咗font,用 Open Sans 實冇死

仲有更多常用嘅font都會令YouTuber們墮入「版權陷阱」 (不定期更新):

  • Arial

有更多常用而有版權嘅font,請喺下面留言 🙂

如果要用到某d font,記住要睇下個font嘅相關授權資訊,可唔可以用喺商業用途或者需唔需要交版權費用。但作為新手YouTuber,最好用版權開放嘅font (例如 Google web font)

呢個係小弟喺網上揾到嘅 YouTube 字體指南,有更詳細解釋:https://www.kocpc.com.tw/archives/214967

資料來源:Joeman